அத்தியாயம் 32 – ஹொரொவ்பொத்தான தேசிய பூங்கா

இலங்கைக்கான யானகள் கணக்கெடுப்பு

இலங்கையில் காட்டு யானைகளின் எண்ணிக்கை பற்றி பல்வேறு மாகாணங்களில் பல்வேறு சந்தர்ப்பங்களில் கணக்கெடுப்பு மேற்கொள்ளப்பட்டிருந்தாலும் நாடு முழுவதும் உள்ளடக்கப்படும் வகையில் நாடளாவிய ரீதியில் யானைகள் கணக்கெடுப்பொன்று மேற்கொள்ளப்படவில்லை. அதனால் அக்கணக்கெடுப்பினை  2011 ​ஆகஸ்ட் மாதம் மேற்கொள்வதற்கு திட்டமிடப்பட்டது. 2011 ஆண்டில் நான் வனஜீவராசிகள் திணைக்களத்தின் பணிப்பாளர் நாயகமாக நியமிக்கப்பட்டதுடன் இக்கணக்கெடுப்பினைத் தொடங்குவதற்கான நடவடிக்கைகளை மேற்கொண்டோம்.  அக்காலத்தில் முழு இலங்கையும் உள்ளடக்கப்படும் வகையில் அனைவரையும் இணைத்துக் கொண்டுயானைகள் கணக்கெடுப்பொன்றைமேற்கொள்வதற்குத் தேவையான ஆரம்ப திட்டத்தை தயார் செய்தோம்.  யானைகள் கணக்கெடுப்பு எனது மறக்க முடியாத நினைவொன்றாகும்.

இலங்கையில் ஆரம்ப காலத்திலிருந்து யானைகள் வாழ்ந்தன. ஆசிய யானைகள் உப இனங்கள் மூன்றில் ஒன்றான  Elephas maximus maximus இருப்பது இலங்கையில் மட்டுமாகும். இலங்கையில் யானைகள் எவ்வளவு உள்ளன எனக் கூறுவதென்பது எப்போதும் அனுமானமாகும். ஒவ்வொரு காலங்களிலும் யானைகள்15000-10000 இருந்தன எனக் கூறப்படுகின்றமை தவறில்லை. தற்போது யானைகளின் கணக்கெடுப்பு மாகாணங்களை அடிப்படையாகக் கொண்டு மாத்திரமே இடம்பெற்றிருந்தது. முன்னர் இலங்கை முழுவதிலும் யானைகள்பரந்திருந்தன.இப்பரம்பல் ஆங்கிலேயர் ஆட்சியின் பின்னர் தோட்டப் பொருளாதாரத்துடன் மாறுபட்டது. மலைநாட்டு வலயத்தில் யானைகள் ஆங்கிலேய அட்சியாளர்களினால் கொல்லப்பட்டதனால் அவ்வலயம் யானைகள் இன்றிய பிரதேசமொன்றாகியது. தற்போது சிரிபா வன வட்டாரத்தில் யானைகள்  பதினெட்டும் சிங்கராஜவுக்கு அருகில் இரண்டும் உள்ளன. எஞ்சிய அனைத்து யானைளும் இருப்பது வரண்ட வலயத்திலும் இடைமத்திய வலயத்திலுமாகும்.

இலங்கையில் காலகாலமாக இருக்கும் யானை–மனித மோதலைத் தீர்ப்பதற்குத் தேவையான தற்காலிக இலங்கையில் யானைகள் எவ்வாறு உள்ளன, எவ்வாறு பரம்பலடைந்துள்ளன? பெண் ஆண் வீதம் என்ன? அவைகளின் எண்ணிக்கை வீதம் எவ்வாறு? பெண் யானைகளின் தொகை வீதம் எவ்வளவு மற்றும் ஆரோக்கியமான யானைகளின் எண்ணிக்கையொன்று உள்ளதா?  போன்ற தகவல்கள் தேவைப்பட்டன. வடகிழக்கு யுத்த சூழ்நிலையினால் அப்பிரதேசங்களில் யானைகள் எவ்வளவு உள்ளன என்பதனைப் பற்றிய தரவுகளைச் சேகரிப்பது சிரமமாக இருந்தது. 2009 ஆண்டில் யுத்தம் நிறைவடைந்தாலும் அப்பிரதேசங்களில் மிதிவெடிகள் போன்ற பிரச்சினைகளினால் காட்டுக்குள் செல்வதற்கு ஆபத்தாக இருந்தது. 2011 ஆண்டாகும் போது பெரும்பாலான மிதிவெடிகள் அகற்றப்பட்டிருந்தன. அதனால் அப்பிரதேசங்களையும் கணிப்பீட்டுக்கு எடுத்துக் கொள்ள முடிந்தது.

யானைகள் கணிப்பீடு பற்றி திட்டமிடுவதில் நாம் முதலில் இலங்கை முழுவதிலுமுள்ள காட்டுப் பகுதிகளை உள்ளடக்கும் வகையில் கணிப்பீட்டினை மேற்கொள்வதில் கவனம் செலுத்தினோம். இது சாதாரண மக்கள் தொகைக் கணிப்பீட்டையும் விட வித்தியாசம் என்பதனாலும் வனஜீவராசிகள் திணைக்களத்தில்  சேவையிலுள்ள அதிகாரிகள் வரையறுக்கப்பட்டளவு இருந்ததனாலும் வேறு நிறுவனங்களின் அதிகாரிகளையும் சாதாரண மக்களையும் வெளியிலிருந்து தேடிக் கொள்ள வேண்டியேற்பட்டது.  அது சவாலானது. அவர்கள் குறைந்தபட்சம் இரண்டு நாட்களாவது பூரணமாக காட்டுக்குள் செலவழிப்பதற்கு அவசியமாகும். அவ்வாறே யானைகளின் வகைகளை இனங்காணுதல் பற்றிய புரிந்துணர்வும் காணப்பட வேண்டும்.

இக்கணிப்பீட்டினை திட்டமிடும் தினங்களில் வனஜீவராசிகள் திணைக்களத்தின் முழு+ பணிக்குழுவினர் முழுவதும் ஆயிரத்தை அண்டிய அளவாகும். அவர்களிலும் ஒரு பிரிவினரை மாத்திரமே இப்பணியில் ஈடுபடுத்திக் கொள்ள முடிந்தது. அதனால் வெளியிலிருந்து பாரியளவிலான அதிகாரிகளைத் தேடிக் கொள்வதற்குத் தேவையானது.

நாம்சுயேட்சை  அமைப்புக்களுக்கு, கிராமிய அழைப்புக்களுக்கு, முப்படையினருக்கும் பொலிஸாருக்கும் போன்றே பல்கலைக்கழக மாணவர்களுக்கும் இதில் கலந்து கொள்ளுமாறு அ​ழைப்பு விடுத்தோம். பெரும்பாலானவர்கள் விருப்பம் தெரிவித்தனர். விசேடமாக சுயேட்சை தொழிலாளர் பங்களிப்பு போன்றே பொருளுதவி வழங்குவதற்கும் விருப்பத்தைத் தெரிவித்தனர். பல்கலைக்கழகங்களிலிருந்தும் பெரிமளவு ஒத்துழைப்பு வழங்குவதாகத் தெரிவிக்கப்பட்டது. யானைகளைப் பற்றி தொடர்ச்சியாக ஆய்வு செய்து பேராசிரியர் சால்ஸ் சன்தியா பிள்ளை மற்றும் பேராசிரியர் எஸ். விஜய மொஹான் போன்றே பேராசிரியர் யூ.கே.ஜீ.கே. பத்மலால் அதிக விருப்பத்துடன் இதற்காக முன்வந்தனர்.

யானைகள் கணிப்பீட்டில் தலைமைத்துவம் அப்போதைய பிரதிப் பணிப்பாளர் ஒருவராக இருந்த என்.ஆர்.பீ. திஸாநாயக அவர்களுக்கு ஒப்படைக்கப்பட்டது. வனஜீவராவசிகள் திணைக்களத்தின் அதிகாரிகளான அப்போதைய பிரதிப் பணிப்பாளர்களாக இருந்த சந்தன சூரியபண்டார, ரன்ஜன் மாரசிங்ஹ, மஞ்சுல அமரரத்ன, டப்.என்.கே. பதிரத்ன, விலங்கு வைத்தியர் தாரக பிரசாத், யூ.எல். தவ்பீக், சாந்தனீ வில்சன் மற்றும் பீ.எம்.யூ. தர்மதிலக போன்ற அதிகாரிகளுக்கு மாகாண ரீதியாக பொறுப்புக்கள் ஒப்படைக்கப்பட்டன. அவ்வாறே இதற்காக ஈடுபடுத்தப்படும் முப்படையினரினதும் பொலிஸினதும் அதிகாரிகளுக்கு, கிராம பாதுகாப்பு வீரர்களுக்கு, பல்கலைக்கழக மற்றும் சுயேட்சை அமைப்புக்களினால் கலந்து கொள்பவர்களுக்கு, திணைக்களங்களின் அதிகாரிகளுக்குத் தேவையான பயிற்சிகளை வழங்குவது கடினமான பணியொன்றாகியது. எனினும் அவ்வனைத்து பணிகளையும் வெற்றியாக மேற்கொள்வதற்கு எம்மால் முடிந்தது.

2011 ஆம் ஆண்டில் நாம் எதிர்பார்த்தவாறு நீண்ட வரண்ட காலநிலையொன்று காணப்பட்டது. போயா வருவதன் பிரகாரம் சந்திர ஒளி நன்றாகக் கிடைக்கும் தினத்தை இதற்குப் பயன்படுத்திக் கொள்ள எதிர்பார்த்தோம். விலங்குகள் நீர் அருந்தும் இடங்களை அடிப்படையாகக் கொண்ட செயன்முறையின்(Water hole countsmethod) இன் பிரகாரம் விஞ்ஞான ரீதியாக இப்பணிகளை மேற்கொண்டோம். யானை ஒருநாளுக்குள் ஏதாவதொரு நீர்ப் பாவனையை மேற்கொள்வதனால் நாளின் ஏதாவதொரு சந்தர்ப்பத்தில் நீர் அருந்தும் இடத்திற்கு வரும். அப்போது அவைகளை இலகுவாக கணிப்பீட்டுக்கு உட்படுத்துவோம். நாம் அவ்வாறு நீர் அருந்தும் இடங்கள் 1553 இனைத் தெரிவு செய்தோம். மூன்று நாட்கள் காட்டில் தங்கியிருப்பதற்குத் தேவையான கள கருவிப் பொதியொன்றை அதிகாரிகளுக்கு வழங்கினோம். உலர் உணவு, தேவையான தொடர்பு வசதிகள், மின் விளக்குகள் போன்ற உபகரணங்களைத் தேவையானவாறு வழங்கினோம்.

இது தொடர்பாக விரிவான வெகுசனப் பிரச்சாரமொன்றையும் நாம் வழங்கினோம். எனினும் கணக்கெடுப்புக்கு 2-3 நாட்கள் இருக்கும் போது ஒத்துழைப்பினை வழங்கிக் கொண்டிருந்த பெரும்பாலான சுயேட்சை அமைப்புக்கள் அப்பணியை நிறைவேற்றுவது தொடர்பில் பல்வேறு கருத்துக்களைத் தெரிவித்து அதற்கு கலந்து கொள்வதில்லை என அறிவித்தன.

இச்சந்தர்ப்பத்தில் கணக்கெடுப்பை நிறுத்தினால் மீண்டும் பல வருடங்கள் அது பின்னே செல்கின்றது. செலவு செய்த பணம் வீணாகிச் செல்கின்றது. திணைக்களத்தில் சிரேஷ்ட அதிகாரிகளுடன் கலந்துரையாடிய நாம் உடனடியாக முடிவொன்றை எடுத்தோம். முப்படையினருக்கும் பொலிஸுக்கும், பல்கலைக்கழக மாணவர்களையும் அதிகளவில் இணைத்துக் கொண்டோம். மேலும் மேலதிக நபர்களை இணைத்துக் கொண்டோம்.  அவர்கள் அனைவருக்கும் மீண்டும் துரித பயிற்சி பெறுவதனை வழங்கினோம். வனஜீவராசிகள், வன பாதுகாப்பு திணைக்களங்களுக்குரிய மற்றும் உரித்தாகாத அனைத்து காடுகள், பயிர்ச்செய்கை நிலங்கள், பாதி குடியிருப்பு பகுதிகள் அனைத்தும் உள்ளடக்கப்படுமாறு ஓரிடப்படுத்தினர். திட்டமிட்டவாறு 2011 ஆண்டில் ஆகஸ்ட் மாதத்தில் 11,12 மற்றும் 13 மூன்று நாட்களும் கண்காணிப்பு நிலையங்கள் 1553 இல் இருந்து குறிப்பிட்ட யானைகள் கணக்கெடுப்பினை நாம் மேற்கொண்டோம். கலந்து கொண்டவர்கள் பல்வேறுபட்ட விதத்தில் சிரமங்களுக்கு முகம் கொடுத்தனர். யானைகள் துரத்துதல், வேறு விலங்குகளின் தொந்தரவுகள் போன்றவையாகும். எனினும் எவருக்கும் உடல் ஊனங்கள் இன்றி பணிகளை நிறைவு செய்தனர்.

அனைத்து தகவல்களும் கிரிதலை தேசிய வனவிலங்கு மற்றும் பயிற்சி நிலையத்தில் பரிசீலனை செய்யப்பட்டன. இப்பரிசீலனைக்காக திணைக்களத்தின்அப்போதைய பிரதிப் பணிப்பாளர் திரு. ரன்ஜன் மாரசிங்கஹவும் பேராசிரியர் திருமதி விஜயகோன் அவர்களும் நிறை ஒத்துழைப்பினை வழங்கினர். ஒருநாள் பதிவு செய்யப்பட்ட கூடிய யானைகளின் எண்ணிக்கையை எடுத்தோம். மீண்டும் மீண்டும் கணக்கெடுக்கப்படுவதனை (Repetition) அகற்றினோம். நாம் யானைகள் கணக்கெடுப்பின் குறைந்த எண்ணிக்கையையே எடுத்தோம். பூரணமான தரவுப் பத்திரமொன்றை தயார் செய்தோம். இறுதியாக இலங்கையில் குறைவான யானைகளின் எண்ணிக்கை 5871 எனக் குறிப்பிடப்பட்டது. அதாவது 6000 க்கு அண்ணளவான எண்ணிக்கை இருப்பதென விஞ்ஞான ரீதியாக முடிவு செய்யப்பட்டது. இதனால் சுமார் 67.17% யானைகள் வனவிலங்கு ஒதுக்கங்களிலிருந்தும் சுமார் 29.78% வன ஒதுக்கங்களிலிருந்தும் சுமார் 3.03% ஏனைய ஒதுக்கங்களிலிருந்தும் அப்புறமாக இருந்தன எனக் கண்டுபிடிக்கப்பட்டது. இவ்யானைகளில் ஆண் யானைகள் மற்றும் பெண் யானைகளின் வீதம் 1:1.09எனவும் வயதான யானைகள் 3285, இளமையான யானைகள் 1487, குட்டிகள் 731 மற்றும் குழந்தை யானைகள் 376  இனையும் கண்டுபிடிக்கக் கிடைத்தது. அவ்வாறே பெண் யானைகளின் எண்ணிக்கை பற்றியும் தரவுகளை எடுத்தோம். அதன்படி ஆண் விலங்குகளில் 5.3 உம் இளமையான ஆண்களில் 7.7% உம் குட்டிகளில் 8.4% பெண் யானைகள் எனக் கண்டுபிடித்தோம்.

இக்கணிப்பீட்டின்படி காட்டு யானைகள்சுமார் 200 ஒதுக்கங்களிலிருந்து வெளிக் கிராமங்களிலிருந்து அண்மையில் இருப்பதென தேடிக் கொண்டோம். இவ்யானைகள் அடிக்கடி கிராமங்களுக்குள் வந்து சொத்துக்களையும் பயிர்களையும் சேதம் செய்கின்றன. அவைகளை வேறு இடங்களுக்கு எடுத்துச் சென்று விட்டாலும் மீண்டும் முன்பிருந்த இடங்களுக்கே வருகின்றன. அவ்வாறே அவ்யானைகள் எடுத்துச் சென்று விடப்பட்ட இடங்களிலும் மக்களுக்குத் தொந்தரவு செய்கின்றன. அதனால் பிரதேச மக்கள் இதற்கு விருப்பமில்லை. அதனால் ஹொரவப்பொத்தான, மாதுறு ஓயா, லுணுகம்வெஹெர, வில்பத்து, அனுராதபுரவிற்கு அண்மையில் யானைகள் பாதுகாப்பு நிலையங்கள் நான்கை அமைப்பதற்கும் முன்மொழிவு செய்யப்பட்டது.

முதலாவது படிமுறையாக அனுராதபுர மாவட்டத்தில் ஹொரவ்பொதான தேசிய பூங்காவொன்றாகப் பெயரிடப்பட்டு 1000 ஹெக்டயாரான அளவில் 40 காட்டு யானைகளுக்கான  முதலாவது யானைகள் பாதுகாப்பு நிலையத்தினை அமைப்பதற்கு திட்டமிடப்பட்டது. அப்போது இருந்த விடப் பொறுப்பு  அமைச்சர், செயலாளர் மற்றும் திணைக்கள அதிகாரிகள் இது தொடர்பாக பாரிய ஒத்துழைப்பினை வழங்கியதோடு அவ்யானைகள் பாதுகாப்பு நிலையத்தின் பணிகளை 2015 இல் நிறைவு செய்வதற்கு முடிந்தது.